((Khamoshi))

Raasta sunsaan tha aur chaaron taraf khamoshi phaili hui thi.  Khamoshi ki bhi aik apni aawaaz hoti hai.  Aik apni kefiat hoti hai.  Aik apna hi pattern hota hai.  Mai ne aik zamanay me mukhtalif khamoshiyan record ki theen.  Raat ke aik bajay maqbara e Noor Jehan ke bahar paanch minute ki khamoshi record ki thi.  Phir adhi raat ko Samanabad ki Doonghi Ground ki khamoshi record ki thi.  Phir Cholistan me adhi raat ka sannata record kia tha.  Ye teenon recordain meray paas moujood hain aur mai ne inhain kai lougo ko sunwaya hai.  Aik jaga ki khamoshi dusri jaga se mukhtalif hai.  Jab aik nihayat hi khamosh jaga me aadmi teen ghantay tak musalsal betha rahay tou ibtida me is par barri khushgawar kefiat guzarti hain.  Phir dil dharaknay ki sada anay lagti hai. Is ke sath nabz chalnay aur ragon ke pharaknay ki aawaaz shuru ho jati hai aur ahista ahista ye sadaen itni buland ho jati hain ke “kanon” ke parday phatnay lagtay hain aur andar bahar beshumar dhol bajnay lagtay hain.  Itni oonchi aawaaz aati hai ke aadmi se bardasht nahi hoti aur wo muztarib ho ke sannatay se bahar nikalnay ki koshish karta hai aur in aawaazon me panah dhoondta hai jo uskay maamool me dakhil hoti hain.  Sannata aur khamoshi barra azab hai.

Safar dar Safar, Ashfaq Ahmed.

This book is all sorts of beautiful. I’m halfway through and can’t wait to hold it again. Another one I’m reading is Labbaik by Mumtaz Mufti. Intihai <3. #currentreads

Advertisements

13 thoughts on “((Khamoshi))

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s