2019, By the roaring waves!, Poems and poetry, Urdu musings

Haar

Meray kuch khuwab hain
Unhe tum khareed lo
Umeedon ke jitnay rang
Zang pakaranay lagay hain
Un ka mai tou kia karun?
Tum samait lo
Beshak khali booseeda bastay me band kar ke chor do
Kaheen phaink do
Magar inhe zinda dargor hotay mai dekh nahi sakti
Ye zimmedari mai sahaar nahi sakti
So isay tum apnay sar le lo
Ye aik qatal meray naam pe
Meray maazi, meray haal, meray mustaqil ke sitaron jugnuon titliyun ka tum kardo
Aur akhir me
Apnay se jurri har yaad
Har baat
Is zaat ka har raaz
Dua, aansoo, hansi, marzi
Jala kar khaak kardo
Meri haar amar kardo



Standard